【猴爪】
傳說，人只要對著猴爪許願，就會有三個願望。
她，與他相處得很好，亦希望一世相伴。只是，她覺得自己還不夠愛他。機緣之下，她找到了猴爪。
「嗯，我要許願。希望我能永遠心愛著他。」
願望成真。翌日，他一聲不響，把家中一切都帶走了，只留下鎖匙，提出分手離開了。
半年過去，心中仍相當思念，她知道自己一世也可能放不下。於是，再拿出猴爪許願：「求你叫他永遠也不要忘記我、永遠都和我一起、開開心心地同我結婚白頭到老。」
許願完畢，她鼓起勇氣，致電約他出來。
知道他應約，她細心打扮，穿了最喜歡的白色長裙，到了約會的地點.....
............
五十年過去。酒店牆上掛著「恭賀金禧」，原來是結婚50周年記念。女兒扶著他的手出來，司儀說：「不如講下你點識太太丫？」
他鬆一鬆肩膀，開口：「當年，我本來同而家個太太嘅家姐拍拖，後來散左無耐，有一日佢約返我出黎食飯。我永遠唔會忘記當晚嘅一切。食完飯之後，一齊坐車離開嘅時間，有一輛大貨車翻側，撞翻左我地架的士，亦壓住我地。基本上，我地都係全身都骨折咁滯，佢家姐仲有啲碎骨插左入我個胸腔，由於太碎拎唔晒出黎，到而家都仲留係我個肺附近。後來，佢家姐救唔返，我亦要切除右邊隻腳，同埋，你地見啦，半邊面爛晒。不過，反而就係因為呢件意外，令我認識到我而家嘅太太，佢因為家姐出事而照顧埋我，唔單止無嫌棄我，仲唔介意我傷殘，陪足我照顧足我50年，你真係一個好好嘅太太...」
說罷，他淚如泉湧，現場眾人亦起身拍掌。太太微笑、點頭，繼續扶著老伴....
Search